Абайым биік өскен алып шынар
Қара сөзің жаныма болған тұмар

Өлмейтұғын артына сөз қалдырған
Жаһанда саған жетер жан жоқ шығар

Тайсалмай, мыңмен жалғыз алысқан кім?
Өмірмен арпалысып жарысқан кім?
Дәуірлер мен дәуірлерді тебірентер
Жаныма шипа болар Абай хәкім

Келтірген сұлу өлең, сөздің жарқын
Абайдың Қара сөзі маған алтын
Қазақта қаламгерлер көп болсада
Келмеген қапталына ешкім жақын.

Терең ойлы, сөзге шебер данышпан
Түсінбейтін мың мен жалғыз алыстан
Сен кім десе, мен Абайдың ұрпағы
Төл өнерді төрге сүйреп жарысқан